ප්‍රාදේශීය ලේකම් කාර්යාලය - ඉබ්බාගමුව

2026 ක් වූ ජනවාරි පළමු දින රාජකාරි ආරම්භ කිරීම... ඉබ්බාගමුව ප්‍රාදේශීය ලේකම් සාගරිකා සී. හේරත් මහත්මිය ඇතුළු සියලුම නිලධාරීන්ගේ සහභාගීත්වයෙන් කාර්යාල පරිශ්‍රයේදී සිදු කෙරිණ.

පසුගිය දා ඇතිවූ හදිසි ආපදා තත්ත්වය හේතුවෙන් ඉබ්බාගමුව ප්‍රාදේශීය ලේකම් කොට්ඨාසය තුළ ජන ජීවිතයට සිදුවූ හානි සහ දේපල හානි සහ ඉදිරි කාලය තුල ජනතාවට සහන සැලසීම, ප්‍රදේශයේ ජන ජීවිතය යථා තත්ත්වයට පත් කිරීම වැනි කරුණු පිළිබඳව ඉදිරි කටයුතු සැලසුම් කිරීමට කාන්තා හා ළමා කටයුතු අමාත්‍ය ගරු නාමල් සුදර්ශන මැතිතුමන් සහ ඉබ්බාගමුව ප්‍රාදේශීය ලේකම්තුමියගේ මූලිකත්වයෙන් ප්‍රදේශයේ සියළු රාජ්‍ය ආයතන සම්බන්ධ කර ගනිමින් විශේෂ සාකච්ඡාවක් දෙසැ.02 දින පස්වරුවේදී ඉබ්බාගමුව ප්‍රාදේශීයලේකම් කාර්‍යාලයේ ප්‍රධාන ශ්‍රවණාගාරයේදී පැවැත්විණි.

මෙම සාකච්ඡාවේදී ඉබ්බාගමුව ප්‍රාදේශීය ලේකම් කොට්ඨාසය තළ සිදුවූ පුද්ගල හානි, දේපල හානි සහ වර්තමාන තත්ත්වය, ආපදාවට ලක්වූ අවතැන් ජනතාවගේ ආහාර, පානීය ජලය, නවාතැන් පහසුකම්, සනීපාරක්ෂක පහසුකම්, සෞඛ්‍ය පහසුකම්,විනාශ වූ මං මාවත් යළි පිළිසකර කිරීම සඳහා අවශ්‍ය යටිතල පහසුකම් සංවර්ධනය සම්බන්ධයෙන් ද ආපදාවට පත්වූවන්ගේ බිඳුණු මානසිකත්වය යළි යථා තත්වයට පත්කරලීමට අවශ්‍ය ආයතනික වශයෙන් එක්ව සිදු කළ හැකි වැඩසටහන් ඇතුළු කරුණු පිළිබඳවත් විශේෂ අවධානය යොමු විය.

ව්‍යවසනයෙන් ඇතිවූ බලපෑම් හමුවේ අවශ්‍ය තොරතුරු නිවැරදිව කඩිනමින් සන්නිවේදනය කිරීම, අනාරක්ෂිත ස්ථාන වලින් පිරිස් ඉවත් කිරීම හා පශ්චාත් ව්‍යවසන ආපදා කළමනාකරණ සන්නිවේදනය කරුණු කෙරෙහි මෙහිදී විශේෂ අවධානය ලබා දෙන ලදී.

මෙම සාකච්ඡාවට සහභාගී වූ මැල්සිරිපුර ව්‍යාපාරික සංගමය මඟින් රුපියල් ලක්ෂ දෙකක පමණ මුදලක් සහ ලක්ෂ පහක පමණ වියළි ආහාර සහ සනීපාරක්ෂක ද්‍රව්‍ය ඇතුළු අත්‍යාවශ්‍ය භාණ්ඩ තොගයක් ප්‍රාදේශීය ලේකම් කාර්යාලය වෙත පරිත්‍යාග කරන ලදී.

තවද මෙම සාකච්ඡාව සඳහා ප්‍රදේශයේ විහාරස්ථාන වල විහාරාධිපති ස්වාමීන් වහන්සේලා සහභාගී වූ අතර මෙම ව්‍යවසන අවස්ථාවේදී උන් වහන්සේලා විසින් ලබාදුන් විශේෂ සහයෝගය සහ දායකත්වයට ස්තූතිය පිරිනැමූ අතර විපතට පත් ආදරණීය මිනිසුන් වෙනුවෙන් නොකා නොබී නිදිවරාගෙන හෙම්බත්ව මඩගොහොරු වැසි කුණාටු නොතකමින් කටයුතු කිරීමට දායක වන සියලුම රාජ්‍ය නිලධාරීන්ටත් මානුෂීය ආධාර ලබා දෙන සියලු දෙනාටත් ස්තුතිය පිරිනමන ලදී.

කුරුණෑගල දිස්ත්‍රික් රාජ්‍ය හා අර්ධ රාජ්‍ය ආයතන අතර වොලිබෝල් තරගාවලිය(කාන්තා/පිරිමි)කණ්ඩායම් 17ක සහභාගිත්වයෙන් 2025/07/26 දින ඉබ්බාගමුව ආදර්ශ මහා විද්‍යාලයේ දී පැවැත්වුනි.

පිරිමි ශුරතාවය රිදීගම සමුපකාරය දිනාගත් අතර ඔවුන්ට මුදලින් රු 20000.00 ක් සමග ශුරතා කුසලානය ලබාගත් අතර පිරිමි අනුශුරතාවය ගොකරැල්ල විදුලි පාරිභෝගික සේවා අධිකාරිය දිනාගත් අතර මුදලින් රු 15000.00 ක් සමග කුසලානය ලබා ගන්න ලදී.කාන්තා ශුරතාවය ඉබ්බාගමුව ප්‍රාදේශීය ලේකම් කාර්යාලය දිනාගන්නා ලදී. ඔවුන්ට මුදලින් රු 15000.00ක් සමග ශුරතා කුසලානය ලබාගත් ලදී.රිදීගම ප්‍රාදේශීය ලේකම් කාර්යාලය දිනාගත් අතර මුදලින් රු 10000.00ක් සමග අනුශුරතා කුසලානය දිනාගන්නා ලදී.

"ගමට පුනරුදය" ජංගම සේවා වැඩසටහන ඉබ්බාගමුව ප්‍රාදේශීය ලේකම් කාර්‍යාලය, ඉබ්බාගමුව ප්‍රාදේශීය සභාව,

ප්‍රාදේශීය වාරිමාර්ග කාර්‍යාලය, ගොවිජන සේවා දෙපාර්තමේන්තුව, කෘෂිකර්මදෙපාර්තමේන්තුව, කොට්ඨාස අධ්‍යාපන කාර්‍යාලය, ජාතික ප්‍රජා ජල සැපයුම් දෙපාර්තමේන්තුව, ඉඩම් ප්‍රතිසංස්කරණ කොමිෂන් සභාව, විදුලි බල මණ්ඩලය, ගොකරැල්ල පොලිස් ස්ථානය ඇතුළු කොට්ඨාසයේ සියලු රාජ්‍ය ආයතන එක්ව 2025.11.04,06,08 යන දිනයන්හි නෑඹිලිකුඹුර,හේනෙගෙදර, ම්ඩිගේ දේතිලිඅංග ඹල්අංග යන වසම් වල සිදු කිරීමට නියමිත අතර ආරම්භක වැඩසටහන 2025.11.04 වන දින නෑඹිලිකුඹුර රණමංසලේදී ඉබ්බාගමුව ප්‍රාදේශීය ලේකම්තුමියගේ , ප්‍රාදේශීය සභාවේ සභාපතිතුමාගේ සහ අනෙකුත් රාජ්‍ය ආයතන ප්‍රධානීන්ගේ මූලිකත්වයෙන් ආරම්භ කරන ලදී.

පේද්දව,මහමූකලන්යාය,බෝගමුව යන වසම් ඒකරාශී කරමින් ප්‍රාදේශීය ලේකම්තුමියගේ උපදෙස් පරිදි, ජංගම සේවා වැඩසටහනක් 2025.06.24 දින පේද්දව චුලක ලෙන් විහාරයේදී සාර්ථකව පවත්වන ලදී.

මෙහිදී, ප්‍රාදේශීය ලේකම්තුමිය ,සහකාර ප්‍රාදේශීය ලේකම් තුමිය,පරිපාලන නිළධාරිතුමා ඇතුලු මාණ්ඩලික නිලධාරී සියලුදෙනා මෙන්ම ,ප්‍රාදේශීය ලේකම් කාර්යාලයේ කාර්යාල නිළධාරී,ක්ෂේත්‍ර නිළධාරී හා වැඩසටහන සංවිධානය කළ සියලු වසම් භාර නිලධාරීන් මහත්ම මහත්මීන් සියලු දෙනා සහ රජයේ වෙනත් ආයතනවලින් පැමිණි නිළධාරී මහත්ම මහත්මීන් මෙම අවස්ථාව සාර්ථක කර ගැනීම සඳහා දායක විය.